وتجـاوزوا مـنـي خـطـاي ولا تنـاسـون الـصـواب=أســـوق نـفـسـي و( الــــوداع ) يـحـطّـهـا ويـشـلّـهـا
وللذكريـات الـلـي تذكّـرنـي بـكـم بــاب وجــواب=إلـيـا جلـسـت بوحـدتـي مــا أقــوم لـيـن أفلّـهـا !
عينـي مـن البـارح ركـزت بنونـهـا شلـفـا ذيــاب=الله يبـيـح ( دمـوعـي ) الـلــي مـــا قـــدرت أهـلّـهـا
مـاعـاد أدوّر بعـدهـا غـيـر الـدعـاء المسـتـجـاب=لــعـــلّ ( ضـيــقــة خــاطـــري ) تـفـكّـنــي لـعـلّــهــا
ابكي وداعك .. ولا ودي تجف الدموع=ياللي (وداعك ) عليّ اصعب من ايّة وداع
الله كتب تنتهي العشره .. وتطفى الشموع=ضاع الامل في رمال الياس والحلم ضاع
خلاص ماعاد في قلب المقفي رجوع=من يوم جرحك سطى به .. ساقها للضياع
روّح بفالك ترى ماارضى عليك الخضوع=وارحل شجاعٍ مثل ماجيت صوبي شجاع
وان مر طيفي على بالك "بـ/ ليلة ربوع"=اسال غرورك وش الدنيا بليّا متاع؟!
وانا بحافظ على جرحك مابين الضلوع=واليا ذكرتك تنحرت الفجوج الوساع
"ودعتك الله" .. ولا ودي تجف الدموع=ياللي وداعك مابعده في حياتي وداع !!
[ الصمت ] يكفي / ويشفي صدر راعيــه ,,
لا صار كل الحكي [ ماله معانـــــــــي ]
والقلب .. ما عاد [ تعنيه ] المشا ريـــــه ,,
و العين ماعاد [ تغريها الامانــــــــي ]
كره اللحظات .. لحظات الوداع !!=تسكت .. ! وعينك لها بوح الحروف
وإن خفيت الحزن قدر المستطاع=ماقوت ساقك .. على طول الوقوف !!
ولا يعل القلب .. ف/آخر اجتماع=غير تدري ما ورى الصده .. [ نكوف ] !!
وانت يامرخي على البُعد .. الشراع=لا تسلم فرحتي ( كف الصدوف )
ولا تقول إن مالحزني أي داع !!=جرب الفرقا معا حالك .. و شوف ؟!
الهجر موجع .. وللبعد إنطباع=يتركك مابين ضيق / و بين خوف !!
كل شي أحبَه بدنياي .. [ ضاع ]=وكل [ ذكرى ] صعب لا مرت / تطوف
لا توردني .. على حد الضياع=ولا تخليني .. تحت حكم الظروف
خابر إن قلبي على الصده .. شجاع=غير في لحظات , تلويح الكفوف
طالبك !! لامن قرب .. يوم الوداع=لا توادعني .. و انا عيني تشوف !!